أنا اعاني من التكيس أفرازات مخلوطه بدم في يوم 12 من الأبرة التفجيرية هل الدورة أم انغراس البويضة بعد المنشطات وابر عندي 3 بويضات حجمهن حلو وبعدها اخذت أبرة تفجيريه وتم الجماع على أحسن مايكون وبين فتره وفتره أحس بنغزات ببطني بعد الأبره واليوم ال12 للأبره التفجيريه ونزل معاي أفرازات مخلوطه بدم وبعدها دم خفيف واليوم نزل معاي دم وايد كـأنه الدوره علماً أن أمس كان الدم لونه قريب للبني واليوم أحمر فاتح ومن أمس معاي مغص المهم معقوله تنزل الدوره وأنا باليوم ال12 للأبرة علماً أني أخذت دافستون مع الأبرة لمده 10 أيام طمنوني هذه دورة أو أنغراس البويضه ودم الأنغراس كم ياخذ يوم وش كميته وش لونه وشلون أفرق بينه وبين الدوره؟
ج/١ بالنسبة للابرة التفجيرية قريت كثير في النت أكثر البنات بيحكو ان الدورة بتنزل من 14 الى 18 يوم كحد أقصى.
ج/٢ اتوقع انها دورة اهم شي الراحه النفسيه والمحاوله الجاده في انزال الوزن لأن الجسم قليل الوزن يستجيب للعلاج بصورة افضل ويمكن لما تنزلين وزنك ما تحتاجين علاج اصلاً.
ج/٣ انا ماعندي خلفيه عن الأبرة التفجيريه بس اللي اعرفه انه اذا كان دم انغراس يكون قليل وعلى مااظن مدته يوم ان شاءلله تطلعين حامل.
